
few days ago , I celebrated the so called "my birthday"...many people came with their gifts...BUT...it was kinda unfair to see their gifts knowing that they're for me ,....and not to give myself anything ...do they love me more than I do ? can't be...so I decided to draw a picture for me and to write a poem as well...they will be my gift to myself..so have a ****birthday Rody
ذكــــــــــــــــــــــــــــــــــــــــــــــــــــــــــــــــــرى ميــــــــــــــــــــــــــــــــــــــــــــــــــــــــــــــلادى
فى يوم زى انهاردة
أبعد من الزمــــــــان
جيت الدنيــــــــــا ديا
واستغربت المكــــــان
لقيت عيون فرحانة
كلها طيبة وحنـــــان
عيـــــــون بتبص ليا
فى حــــب و امتنـــان
وأنا مش فاهم حاجة
وبقول ده اسمه جنان
أنا كنت لوحدى عايش
وحاســـس بالأمــــــــان
فى مكان ضلمة نـونـو
مغطينى وأنا عريــــان
ودلوقتى أنا خايـــــــــف
نفسى أرجع دفيــــــــــان
صحيح خلاص غطونى
بحاجة اسمها كـتـــــــــان
بس لاول مـــــــــــــــــرة
بــحس انـــــــى بـــــردان
والـنـــــــــاس بتبص عليــا
بيقولوا أهل وجــــــــــيران
نـــــــاس تبارك و تــــهنى
وأطفـــــــال ترقص و تغنى
وتبوسنــــــى كمــــــــــــــان!
بكايــــــا مابعدهــــومــــــش
وفاكــــــــــرنٍى فرحـــــــــــان
وشويـــــــة شويــــــــة كبرت
وعرفت ان أنا انســــــــــــــان
مغصوب يفضل ماشــــــــــى
ماهو فى الدنيا مفيش طَفَشَان
و مش مهم تعيـــــــــــــــــــــش
حزيــــــــــــــــن أو قرفـــــــان
المهم النــــــــاس ترضـــــــــى
وأفضــــــــل أنا حيـــــــــــــران
وكبرت كمان شويـــــــــــــــــــة
وزادت حيرتى أطنــــــــــــــــان
مش فاهم عايــــــــش لـــيـــــــــه
و من المـــــــيــت أنا غـــــــيــران
والناس فاكرة ليــــــــــــــــــــــــه؟
انــــــــى أكيـــــد فرحــــــــــــــان!!
غلبت اســــــــأل و أفكــــــــــــــــــر
وبالهـــــــــــم أنا مليـــــــــــــــــــــان
والنـــــــــاس لسة بتضحـــــــــــــــك
وأنا لســـــــــــــــة زعـــــــــــــــــلان
يشوفونى أعمل بضحـــــــــــــــــــــك
علشان منهم خجــــــــــــــــــــــــــلان
طــــــــب لما انا مش منكــــــــــــــــــم
تجيبونـــــى ليـــــــــه فى مكــــــــــــان
فى نهاره أصــــــــــــــــــــــــــــرخ اه
وفى ليلـــــــــــــــه افضل سهـــــــــران
وفى ذكرى نفس الــــــــــــــــــــــــــيوم
مهما يفوت الزمـــــــــــــــــــــــــــــــان
نــــــــاس تـــــــــزور أراضينــــــــــــا
والاقى البيت مليــــــــــــــــــــــــــــــــان
قال بيفرحــــــــــــــــــــــوا بــــــــيـــــــا
وهدايـــــــــــــــــا أشكال و ألـــــــــــوان
بيباركـــــــــوا ولو يواســــــــــــــــــونى
كانوا خــفـفــوا الأحــــــــــــــــــــــــــزان
و أنــــــــا اتفــــــرج عليهــــــــــــــــــــم
وأصرخ فى سرى حـــــــــــــراااااااااااام
ماهى كارثــــــة لما أبكــــــــــــــــــــــى
والفرحـــــــة عليـــــــــا تبــــــــــــــــــان
يــــــــاترى أنــــــا اللى باخبـــــــــى؟؟؟
ولا شكـلــــــــــى اللى خــــــــــــــــــــان؟
ولا عيونكــــــــــــــــــــم شايفـــــــــــــة؟
ولا انتــــــــــــــــــــــم عميــــــــــــــــان؟
يعنـــــــــى مطـلـــــــــــــــوب أصـــرخ
وأشهـــــــــــــر ألمى فى اعـــــــــــلان!
ولا أحسن لى اسكـــــــــــــــــــــــــــــــت
وارمينى للنسيــــــــــــــــــــــــــــــــــان؟
ده حتــــــــــــى لو فهمتــــــــــــــــــــــــم
جواكــــــــــــــم واحــــــــد جبـــــــــــــان
رافــــــــــــض انــــــــــه يصـــــــــــدق
ان بينكــــــــــــــم انســــــــــــــــــــــــان
عايش بيكــــــــــم وحيــــــــــــــــــــــــــد
ومن غيركـــــــــم ونســــــــــــــــــــــان
معاكـــــــــــــــــــم بيبقى ضايـــــــــــــع
شـــــــــارد..شريــــــد..سرحـــــــــــان
مـــــش عـــــارف هو ميـــــــــــــــــن؟
وراكبــــــــــــــــــــــه التوهــــــــــــــان
وفى عــــز ماهــــو فايــــــــــــــــــــــــق
عامـــــــــــــــــــل زى الســـــــــــــكران
وبوجعــــــــــــــــه محدش حاســـــــــس
ولا مخــــــــــــلــــــــوق دريـــــــــــــــان
ده حياتـــه كلهــــــا كلمــــــــــــــــــــــــة
كلمــــة اسمهــــا...الحرمـــــــــــــــــــــان